Concello de Vigo: Concellería de Igualdade

Novas

Pleno extraordinario para a aprobación da declaración institucional con motivo do día 25 de novembro e para a aprobación do“IV Plan municipal integral para a igualdade de oportunidades entre mulleres e homes 2009-2012”
20/11/2009

Máis novas

O vindeiro mércores 25 de novembro, con motivo da commemoración do "Día internacional sobre a eliminación da violencia que se exerce sobre as mulleres "o Concello de Vigo celebrará unha sesión extraordinaria do Pleno da Corporación no que intervirá Luisa Ocampo Pereira en representación do Consello Municipal da Muller, e de seguido a concelleira de igualdade Iolanda Veloso quen presentará o “IV Plan municipal integral para a igualdade de oportunidades entre mulleres e homes 2009-2012” para a súa posterior aprobacion por parte de toda a corporación municipal.

Tras o proceso de diagnose, elaboración e debate do “IV Plan municipal integral para a igualdade de oportunidades entre mulleres e homes 2009-2012” presentouse á consideración do Consello Municipal da Muller na sesión ordinaria celebrada o día 27 de outubro de 2009 na que resultou dictaminado favorablemente pola unanimidade das asistentes.

Na devandita sesión, acordouse tamén proponer unha convocatoria de sesión extraordinaria do pleno da corporación municipal co obxecto de que toda a corporación municipal aprobase o IV plan, así como tamén se
aprobou que unha representante do Consello Municipal da Muller puidese intervir na sesión plenaria dando lectura á declaración institucional contra a Violencia de Xénero co gallo da commemoración do vindeiro 25 de novembro.

A representante do Consello Municipal da Muller nomeada e elixida polo Consello foi Dª Luisa Ocampo Pereira.

Así as cousas, o Concello de Vigo convoca un pleno extraordinario o vindeiro mércores 25 de novembro ás 9,00 h. coa seguinte proposta da orde do día:

1º.- Intervención e Lectura da declaración institucional a cargo de Luisa Ocampo Pereira, en representación do Consello Municipal da Muller.

2º.- Presentación do “IV Plan municipal integral para a igualdade de oportunidades entre mulleres e homes de Vigo 2009-2012” a cargo de Dª Iolanda Veloso Ríos, concelleira de Igualdade e presidenta do Consello Municipal da Muller

3º.- Aprobar o texto e a implantación do “IV Plan municipal integral para a igualdade de oportunidades entre mulleres e homes de Vigo 2009-2012”

A Concellería de Igualdade convida especialmente a asistir ao devandito acto a todas as integrantes do Consello Municipal da Muller.

Data e hora: mércores 25 de novembro ás 9,00 h.
Lugar: salón de plenos do Concello

ARQUIVOS ADXUNTOS:
dosier_igualdade.pdf 865 KB
dosier_igualdade.pdf 865 KB

		• 8 de Marzo Día Internacional da Muller • 25 de Novembro Día Internacional da eliminación da Violencia contra a Muller
	Novas