• 8 de Marzo
   Día Internacional da Muller

• 25 de Novembro
   Día Internacional da eliminación
   da Violencia contra a Muller
vinetaNovas  
Web Concellería
de Igualdade
Web Violencia
   de Xénero
Violencia Sexual
na Xuventude

Novas
Inaugurada a exposición "Non só doen os golpes"
16/11/2010    Máis novas
Onte, 15 de novembro de 2010, a concelleira de Igualdade Iolanda Veloso, xunto con membras do Consello Municipal da Muller, inauguraron a exposición fotográfica "Non so doen os golpes" de Pamela Palenciano, na Escola Oficial de Idiomas.

A concelleira destacou que esta mostra, incluída na programación dos actos do Día internacional contra a violencia de xénero e que poderá visitarse ata o 29 de novembro, ten o obxectivo de "sensibilizar á cidadanía sobre este problema que causa demasiadas mortes no noso país e situacións moi duras na nosa cidade".




Iolanda Veloso afirmou que é dunha exposición "sumamente interesante polo seu enfoque sobre a violencia de xénero, dende a propia experiencia vital da autora". Partindo do lema que centra o 25 de novembro "Non o ignores, non o xustifiques, non o escondas", explicou que a mostra está integrada por 46 imaxes distribuídas en 7 fases que marcan os principais momentos que atravesan as mulleres que sofren a violencia machista.

A concelleira de Igualdade destacou que o mesmo día de remate da exposición, o 29 de novembro, Pamela Palenciano impartirá na Escola Oficial de Idiomas un obradoiro sobre a violencia de xénero. Finalmente, expresou o seu agradecemento á Escola por acoller esta mostra, xa que permite afondar na sensibilización sobre a violencia de xénero "nun espazo polo que pasan moitas persoas, sobre todo xente nova".

Pódese obter máis información sobre esta mostra no seguinte arquivo adxunto

ARQUIVOS ADXUNTOS:
dossiernuevo.pdf  444 KB

imagen agenda
Síguenos en:
Síguenos en Twitter Síguenos en Facebook Síguenos en Youtube Síguenos en Flickr
Máis novas
Máis convocatorias
fondo
© Concello de Vigo. 2008
Praza do Rei nº1-36202-Vigo
Tel.:986 810 100