Concello de Vigo: Concellería de Igualdade

Novas

O centro de Documentación Feminista agasallará cun libro as persoas que visiten as instalacións do 19 ao 23 de abril
19/04/2010

Máis novas

Con motivo da celebración o día 23 de abril, do Día do Libro, o Centro de Documentación e Recursos Feministas de Vigo, que depende da Concellería de Igualdade, agasallará cun libro ás persoas que durante os días 19 e 23 de abril se acheguen a visitar as instalacións.

O horario do Centro, que está ubicado na Biblioteca Central, é de luns a venres de 10 a 14 horas e de martes a venres de 16 a 20 horas.

O Centro de Documentación e Recursos Feministas de Vigo é un servizo de xestión de información, documentación e materiais de traballo sobre muller, xénero e igualdade dirixido ao público en xeral ou a persoal especializado e interesado nas citadas temáticas. Este centro recolle a documentación recompilada pola extinta asociación "GECM-Alecrín" desde os anos 80 e o fondo documental xerado pola Concellería de Igualdade de Vigo.

Enderezo: rúa Joaquín Yañez, 6-2º andar (Casco Vello)

		• 8 de Marzo Día Internacional da Muller • 25 de Novembro Día Internacional da eliminación da Violencia contra a Muller
	Novas